İnsan, güclü olmağı bacarsa da, əslində zəif bir məxluqdur. Bəzən hər hansı bir problem, onu rahatlıqla həyata küsdürə bilir. Bəzən isə, tam əksi – kiçik bir xoşbəxtlik, onu havalara uçura bilir.

Bu səbəblə də insan, zəif nöqtələrini doğru şəkildə təyin etməli və bunun üzərində işləməlidir ki, həyatın çətinlikləri qarşısında tab gətirə bilsin.

4 şey bədəni xəstə edər:

1. Çox danışmaq,
2. Çox yatmaq,
3. Çox yemək,
4. Çox (cinsi) münasibət.

Peyğəmbərimiz bu haqda hədislərində yetərincə danışaraq, bunların ‘qəlbi öldürən amillər’ olduğunu qeyd etmişdir. (İbn Macə, 4193)

4 səbəb bədəni məhv edər/yıxar:

1. Stress,
2. Kədər,
3. Aclıq,
4. Yuxusuzluq.

4 səbəb üzü qurudar və gözəlliyini aparar:

1. Yalan danışmaq,
2. Həyasızlıq/utanmazlıq,
3. Çox (mənasız) sual soruşmaq,
4. (Gizləmədən) açıq-aşkar şəkildə günahlar etmək.

4 səbəb üzün nurunu və gözəlliyini artırar:

1. Təqva (Allah qorxusu),
2. Vəfa (sadiqlik)
3. Cömərdlik (əliaçıq olmaq)
4. Dürüstlük.

4 səbəb ruzi və bərəkəti cəlb edər:

1. Gecənin müəyyən hissəsini namaz və bol duayla keçirmək,
2. Sübh vaxtı Allahdan (günahlardan) bağışlanma diləmək,
3. Daima sədəqə vermək,
4. Günün başlanğıcı və sonunda Allahı zikr (yad) etməyə davam etmək.

4 şey ruzinin gəlməsinə əngəldir:

1. Səhərlər yatmaq,
2. Az namaz qılmaq,
3. Tənbəllik,
4. İnsanlara xəyanət etmək.

Qeyd olunmuş bütün səbəblər, dahi alim İbn Qayyim tərəfindən Quran və hədislər işığında tərtib edilmişdir.

Hazırladı: Ayxan Yaquboğlu