Sual: Təravih namazının rəkətləri arasında Peyğəmbərə (Ona Allahın salavatı və salamı olsun) salavat gətirməklə və Raşidi Xəlifələr üçün (Allaha onlardan razı olsun) dua etməklə səsi qaldırmağın hökmü nədir?

Cavab: Həmd Allaha məxsusdur.

Biz bildiyimiz qədəriylə saf şəriətimizdə bunun heç bir əsli yoxdur. Əksinə, bu dinə sonradan daxil edilmiş bidətdir və bunu tərk etmək vacibdir. Bu ümmətin sonradan gələnləri, ümmətin əvvəlkiləri nə ilə islah olunubsa, ondan başqası ilə islah olunmayacaqdır. Bu isə Quran və Sünnəyə, ümmətin erkən nəsillərinin (sələfinin) yoluna tabe olmaqla və bu yola müxalif olan hər bir şeydən çəkinməklə hasil olur.

Sitatın sonu.

“Fətvalar Məcmusu”, 11/369