Sual: Bəzən yuxumda quş kimi havada uçduğumu görürəm. Bəzən də elə yuxular görürəm ki, doğru çıxır. Məsələn, bir kəsi yuxuda görürəm və sonra onunla (həyatda) görüşürəm. Buna görə özümü yaxşı hiss etməyimə baxmayaraq, bu baş verəndə mat qalıram. Bunun yozması nədir?

Cavab: Bu yoxuların təsirlərindən qorxmayın və quşun qanadlarında uçmaq barəsində yuxunu yozmaqda özünüzü yormayın. Yuxuların əksəriyyəti insanın davamlı olaraq düşündüyü məsələlər və yaxud insan ayıq olduğu zaman məşğul olduğu şeylər nəticəsində olur. Bu fikirlər onun yuxusunda üzə çıxır. Ona görə də hər bir yuxunun bu və ya digər məna ifadə etməsi barəsində qəti təsdiqləmək lazım deyil. Allah daha yaxşı bilir.

Fətəvə isləmiyyə cild 8, səh.134, DARUSSALAM

Muhammad ibn Salih əl Useymin