Peyğəmbər – sallallahu aleyhi və səlləm – qəlbi təmiz, bədəni təmiz, qoxusu xoş bir kimsə idi. Ətirlənməyi sevər və heç vaxt gözəl ətirdən imtina etməzdi. Peyğəmbər – sallallahu aleyhi və səlləm -in gəlişi xoş qoxusundan bilinirdi (əl-Albani «SəhihulCəmi»). Peyğəmbər – sallallahu aleyhi və səlləm – ona ikram edilən xoş ətirdən heç vaxt imtina etməzd (Buxari).

Misvaqlanmağı da sevərdi. Peyğəmbər – sallallahu aleyhi və səlləm – buyurdu: «Əgər ümmətimə çətin olmasaydı hər namazdan qabaq onlara misvaqlanmağı əmr edərdim» (İmam Əhməd). Peyğəmbər – sallallahu aleyhi və səlləm – buyurdu: «Misvaq ağzın təmizləyicisi, Rəbbin rizasını da qazanmağa səbəbdir» (Nəsai). Aişə – radıyallahu anhə -dən “Peyğəmbər – sallallahu aleyhi və səlləm – evinə girdikdə ilk öncə nə edərdi?” deyə soruşulduqda o: «Misvaqdan istifadə edərdi» dedi. Soğan, sarmısaq yeyərək insanlara əziyyət verməyi qadağan edərdi. Cabir – radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Sarmısaq və soğan yeyən bizdən ayrı dursun (Başqa rəvayətdə: Çünki mələklər Adəm övladının narahat olduğu (əziyyət çəkdiyi) şeylərdən narahat olurlar» (Fəthul Bəri 2/339, Müslim 1/395). Evinə daxil olduqa: «Allahın adı ilə daxil olduq, Allahın adı ilə çıxdıq. Rəbbimizə təvəkkül etdik» deyər sonra da ailə üzvülərinə salam verərdi (Müslim). Təmiz bir şəkildə girmək və salam verməklə ailəni sevindir.